Horrez gainera, gaur egun "kudeatzen ez diren eraikinen" inguruko informazioa lortzea errazteko eta aurrerantzean egin daitezkeen ekintza ezberdinei babes legal bat eskaintzeko elkarte bat sortzea ere adostu dute.
Romo Plataforma
Hainbat getxoztarrez osaturiko taldea da Romo Plataforma. Azaldu dutenez, kezka batek batu dituzte: "geure udalerrian, arlo sozial zein urbanistikoari dagokionez, garapen ordenatua eta auzotarrakaz errespetutsua den garapena ziurtatzea". Hala, horri erantzuteko guran sortu dute plataforma, Itzubaltzeta/Romoren garapen urbanistiko jasangarria lortzeko asmoz.
Abenduaren amaiera aldean egindako bilera eratzailean euren lehenengo helburua adostu zuten, aho batez: "Ibar Nagusien Etxea, Romo Kultur Etxea eta Getxoko Udal Euskaltegia barne hartzen dituen eraikina (Lope de Vega Kalean, 12 zenbakian kokatua) herritarren zerbitzurako mantentzea. Batetik, arrazoi historikoak ditugu eta, bestetik, biztanleriak behar dituen ekipamendu sozialak lortzea".