Udaberrian zeharkatuko ditu Korrikak Euskal Herri osoko bideak eta errepideak, martxoaren 30etik apirilaren 9ra arte; Otxandiotik Iruñera joko du euskararen aldeko lasterketaren 20. edizioak, AEK-k jakitera eman duenez. Uribe Kostari dagokionez, apirilaren 6an, eguena, zabalduko dituzte eskualdeko herriak euskarazaleek; beste urte batez, ez da Lemoiztik igaroko. Korrikari behar bezalako harrera egiteko bihar, martitzena, hasi dira lanean tokian tokiko batzordeak. Besteak beste, material-salmenta egingo dute Itzubaltzeta/Romoko Santa Eugenia plazan, zapatu honetan, otsailaren 25ean. Goizeko 10:00etatik 14:00etara egongo dira bertan.
Gurean, apirilaren 5ean, eguaztena, Laukiztik helduko da Urdulizera 23:40ak aldera, eta Gorliz, Plentzia, Barrika, Sopela, Berango, Algorta, Itzubaltzeta / Romo, Leioa eta Erandio zeharkatuko ditu Korrikak, apirilaren 6an, gaueko ordu txikietan. Goizaldeko 04:55ak aldera joango zaigu Barakaldo aldera, ohi den legez, itsasadarra traineruz igaroz Ezkerralderantz. Erandiogoikoan bueltan izango dugu Korrika eguen horretan, 21:25ean, Bizkaiko Meatzaldea zein Enkarterriak eta Arabako Aiaraldea zeharkatu ostean.
Ibilbidea Uribe Kostan
Apirilak 5, eguaztena
Urduliz 23:41
Apirilak 6, eguena
Gorliz 00:05
Plentzia 00:26
Barrika 00:47
Sopela 01:05
Berango 01:44
Algorta 02:08
Leioa 03:23
Erandio 03:56
Bizkaiko Meatzaldea zein Enkarterriak eta Arabako Aiaraldea zeharkatu ostean:
Erandiogoikoa 21:25
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
.jpg)