Fernando Téllez, Espainiako txapeldun

Fernando téllez igerilaria. © GETXO IGERIKETA WATERPOLO KLUBA

Fernando Téllez Espainiako txapeldun berria da Distantzia Handiko Open Masterrean, hiru mila metroko mailan. Proba otsailaren 19an jokatu zen Matarón (Bartzelona, Herrialde Katalanak). Lasterketa irabazteaz gainera, Téllezek Espainiako markak hautsi zituen honako distantzietan: 800, 1.500 eta 3.000 metrokoetan.

Igerilari getxoztarrak 40 minutu, 14 segundo eta 8 ehunen behar izan zituen 3.000 metroak egiteko. Getxo Igeriketako kideak 45 segundo eta 8 ehunen atera zizkion Joan Francesc Morcillo (Badalona) bigarren sailkatuari. Podiumera igo zen azken igerilaria, Jose Luis Morales izan zen, Murtziako taldekoa. Téllezek beste bi markak horrela utzi zituen: 800 metrotakoa, 10 minutu, 28 segundo eta 36 ehuneneko denboran; 1.500 metrokoa, 19 minutu, 53 segundo eta 51 ehunenetan.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun