Igeriketa-campusa egingo dute Algortan, Aste Santuan

Getxo Igeriketa Bolue Kirol Elkartearen Aste Santuko campusean izena eman daiteke daborduko. Elkarteak jakinarazi duenez, apirilaren 10etik 12ra eta 18tik 21era egingo dute campusa, 08:30etik 14:30era.

Aukeran daude inskripzioa 7 egunekoa egitea, 4 egunekoa edo egun solteetakoa. Klubak ez du epemugarik ipini inskripzioa betetzeko; baina, iragarri du leku-kopurua mugatua dela. 4 eta 12 urte bitarteko neska-mutilentzat prestatu dituzte jarduerak: psikomotrizitatea, jolas-igeriketa, askotariko kirola eta tailerrak izango dira, besteak beste. Argibide gehiagorako, honakoak dira kontaktu-bideak: 663 871 318 eta getxoibke@gmail.com.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun