Zirkulazioan murrizketak egongo dira Algortako Itxe kalean, urbanizatze-lanengatik

Obrak kalean, artxiboko irudian.

Algortako Itxe kalean kanalizazio bat egiteko lanak hasiko dira laster; ondorioz, zirkulazioan murrizketak izango dira. Lanok aipatutako kalean egiten ari den urbanizatze-proiektuaren barruan daude, eta aste honetan bertan amaituko dira.

Kanalizazioa Makaleta etorbideko bidegurutzeko galtzadan egingo da, Garbigunearen eta Fadura kiroldegiko biribilgunearen arteko zatian. Bidearen ezaugarriak direla eta, lanak tartez tarte egingo dira, eta ibiltzeko errei bana izango da bi norabideetan. 

Zoladuraren akabera hormigoizkoa izango da behin-behinean, galtzadaren zolaketa lanak egin bitartean.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun