Udan ume sahararrak hartzeko izen-ematea zabaldu dute

Urtero etorri ohi dira Ukrainiako eta Saharako umeak gurera. © GETXOKO UDALA.

Ume sahararrak udan gurera ekartzeko eta etxean hartzeko izena ema ahal izango da apirilaren 15era arte. Izan ere, Tindouf-eko (Aljeria) errefuxiatuen kanpamentuetan bizi behar duten umeak ekarriko ditu gurera Atfalek, Sahararen aldeko elkarte getxoztarrak, aurtengo udako uztailean eta abuztuan. Hala, 10 eta 12 urte arteko neska-mutiletako bat etxean hartzeko, izen-epea zabaldu du Getxoko Udalak.

Ekimen horretan parte hartu gura dutenak, hau da, udalerriko familiak zein Getxon lan egiten duten lagunak aipatutako elkarteagaz edo Udalagaz harremanetan ipini daitezke, apirilaren 15a baino lehenago. Umeei mediku-azterketa eta elikagai egokiak eskaintzeaz gainera, neska-mutil sahararren errealitatea ezagutzeko aukera ematen zaie familia getxoztarrei.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun