Kultura  Getxo 2017-04-17 12:00

Umeei begirako bost film emango dituzte, Areetan

Gaztetxoek zinemaz gozatzea aukeran izango dute hilaren 18tik 22ra bitartean; izan ere, Haur Zine Jardunaldien 34. edizioa antolatuko du Getxoko Kultur Etxeak, Areetako Andrés Isasi musika-eskolan, Aste Santuko eskola-oporraldia aprobetxatuz. Bost pelikula eskainiko dituzte, guztira; horien arteko bakarra izango da euskaraz. Emanaldi denak 17:00etan hasiko dira, eta saio bakoitzeko 2,10 euro ordaindu beharko dituzte ikusleek.

Umeei begirako bost film emango dituzte, Areetan
"Zipi & Zape eta kapitainaren irla" izango da euskaraz emango duten film bakarra. © EZAE | Ikusi handiago | Argazki originala

Apirilaren 18an hasiko dira jardunaldiak, martitzenean; "Peter y el dragón" pelikula proiektatuko dute egun horretan. Disneyren "Pedro y el dragón Elliot" film luze ezagunaren bertsio berria da. Biharamunean, eguaztenean, "Zipi & Zape eta kapitainaren irla" euskarazko filma proiektatuko dute. Eguenean, berriz, Steven Spielberg zinegile estatubatuarraren azkeneko lanaz gozatu ahal izango dute neska-mutilek: "Mi amigo el gigante" filma egongo da ikusgai. Bestalde, barikuan, "Angry Birds" animaziozko filmaren txanda izango da; umeentzako bideo-joko ospetsuen pertsonaietan oinarrituta dago pelikula hori. Zikloa amaitzeko, "El libro de la selva" ikusi ahal izango dute umeek. Disneyren pelikula ospetsuaren moldaketa berria da azken hori; Rudyard Kipling-en kontakizunean oinarrituta dago.

Egitaraua

Apirilak 18, martitzena

  • "Peter y el dragón", gaztelaniaz

Apirilak 19, eguaztena

  • "Zipi & Zape eta kapitainaren irla", euskaraz.

Apirilak 20, eguena

  • "Mi amigo el gigante", gaztelaniaz.

Apirilak 21, barikua

  • "Angry Birds, la película", gaztelaniaz.

Apirilak 22, zapatua

  • "El libro de la selva", gaztelaniaz.


Areetako musika-eskolan izango dira saio denak, 17:00etan. Sarrera: 2,10 euro.

2017/04/18 - 2017/04/22

Areetako Andrés Isasi musika-eskola Getxo

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa