Itzubaltzeta/Romoko nagusien etxeko tailerretan egindako lanak ikus daitezke

Barikura arte dago ikusgai Itzubaltzeta/Romoko Ibar nagusien etxean bertako pintura-, patchwork- eta joste-tailerretan egindako lanen erakusketa.

Aldi berean, daborduko zabaldu dituzte elkarteak antolatu dituen hurrengo bidaietarako izena emateko epeak; apirilaren 30etik maiatzaren 7ra Portugalera joango dira, eta maiatzaren 21etik 25era Erronkariko haranera. Mendi-taldeak ekainaren 5etik 10era Asturiasera antolatutako irteeran parte hartu gura duten pertsonek ere izena eman dezakete daborduko. Gainera, hilaren 11n Enkarterriko bide berdera joateko txangoa aurreikusita dago.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun