Jendartea  Getxo 2017-05-10 17:14

Arrigunaga eta Ereaga, Bandera Urdina jantziko duten Bizkaiko hondartza bakarrak

Getxoko Arrigunaga eta Ereaga dira aurten Bandera Urdina izango duten Bizkaiko hondartza bakarrak. ADEAC-FEE, Ingurugiroko Hezkuntzako eta Kontsumitzaileen Elkarteak ematen du aitortza hori. Ereaga hondartzan hamargarren urtez izango da bandera urdina; Arrigunagakoan, berriz, zortzigarrenez.

Arrigunaga eta Ereaga, Bandera Urdina jantziko duten Bizkaiko hondartza bakarrak
Udal arduradunak Bandera Urdina jartzen Ereaga hondartzan, artxiboko irudian. © GETXOKO UDALA | Ikusi handiago | Argazki originala

Ingurumena eta natura errespetatuz, itsasertzaren eta hondartzen gestioan egindako ahaleginagatik ematen da ikur hori. Bandera Urdinak egiaztatzen du aurretik ezarritako estandar batzuk bete izana, tartean,  bainatzeko uraren kalitate ona, garbitasuna, ingurumen informazio eta hezkuntza, segurtasuna, zerbitzuak eta instalakuntzak. Bandera Urdinaren azken helburua da turismoaren garapen jasangarria eta hondartzetan eta inguruetan ingurumenagaz kudeaketa errespetutsua lortzea.

"Itsasoko uraren eta hondartzako inguruaren kalitatea egiaztatzeaz gainera, bandera hau eskuratzeak egiaztatzen du Getxoko Udalak duen konpromisoa, ingurumenaren jasangarritasunarekin eta ingurumen sentsibilizazio, trebatze eta heziketarekin; urte osoan zehar aurrera eramaten ari den etengabeko lana da, ez soilik udan egiten dena, udalerri jasangarriago bat lortzeko", adierazi du José Luis Landa Ingurumen zinegotziak.  Horrez gainera, "bandera urdinaren sari honek gure bi hondartza hauen garrantzia areagotzen du udalerriko baliabide turistiko nagusietako bezala, non datozen bisitariak gero eta gehiago diren", azpimarratu du Landak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa