Politika  Getxo 2017-05-17 17:50

Gizarte errespetutsuagoa sortzeko konpromisoa hartu du Getxoko Udalak

Duela 27 urte, 1990eko maiatzaren 17an, Osasunaren Munduko Erakundeak (OME) gaixotasun mentalen zerrendatik kendu zuen homosexualitatea. Harrez geroztik, maiatzaren 17a oso egun esanguratsua bilakatu da lesbiana, gay, trans, bisexual eta intersexualentzat: data hori ardatz katalizatzaile bilakatu da kolektibo horren eskubideen alde eta gaur egun oraindik ere nozitzen duen diskriminazioaren aurka. Horren harira, Getxoko Udalak bestelako gizarte errespetutsuagoa, justuagoa eta integratzaileagoa sortzeko konpromisoa hartu du.

Gizarte errespetutsuagoa sortzeko konpromisoa hartu du Getxoko Udalak
Getxoko udaletxea, artxiboko irudian. | Ikusi handiago | Argazki originala

Getxoko Udalaren arabera, eragile sozial guztien eginbeharra da bestelako gizartea sortzea, errespetutsuagoa, justuagoa eta integratzaileagoa. Horretarako, "gure lan-agendetan konpromiso esplizitua hartu behar dugu LGTBI kolektiboarekiko, aurrera egin dezagun kolektibo horrek sufritzen dituen mota desberdinetako diskriminazioen aurka", azaldu dute.

Horregatik guztiagatik, Getxoko Udalak, EAJ, GUK, EH Bildu, PSE-EE eta Ciudadanos alderdien aldeko botoakaz, eta PPren abstentzioagaz, konpromisoa bere egin du eta LGTBI kolektiboari informazioa eta laguntza ematekoa izanik, gizarte osoa animatu gura du kolektibo horren aldeko konpromisoa hartzera, hau da, sexu‑ eta genero-aniztasunari buruzko kontuak lantzera, bai eta helburu hori gizartearen eremu guztietan gauzatzeko behar diren baldintza egokiak sortzera ere.

Getxoko Udalak LGTBI eskubideak bermatzeko politikak ere bultzatuko ditu. Bide batez, gizarte eredu justu eta anitz baten alde lan egingo duela iragarri du, "homofobia, lesbofobia, bifobia eta transfobia amaitzeko lan egiten duten pertsona eta eragile guztiakaz batera".

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa