Kultura  Getxo 2017-05-18 13:02

Euskara kalera ateratzeko Berbodromoa egiten ari dira Getxon

Gaur, eguenean, Euskararen Berbodromoaren seigarren edizioa egiten ari dira Getxon. Horren helburua da euskaraz berbetan elkartzea eta hizkuntza kalera ateratzea. Egizu elkarteak antolatuta, ekimenak hiru saio izango ditu, euskaraz mintzatzeko gogoa duten guztioi begirakoak, berbarako euskara ikasten dabiltzanei, berbalagunei, euskaldun zaharrei eta berriei. Antolatzaileek jakinarazi dutenez, goizeko bi saioetan 150 lagun bildu dira; hala ere, aurten egun osoan zehar 400 lagun elkartzea da euren helburuetako bat.

Euskara kalera ateratzeko Berbodromoa egiten ari dira Getxon
Dozenaka lagun bildu dira gaur goizean Algortako San Nikolas plazan. | Ikusi handiago | Argazki originala

Goizean saio bi egin dituzte: 09:00etan eta 11:00etan, Algortako San Nikolas plazan; hirugarrena, berriz, 19:00etatik aurrera izango da, Itzubaltzeta/Romon, Aurrezki Kutxa, Gobelondo eta Kalamua kaleen artean. Gaiak hurrengo hauek izango dira: "Runnerak, izurrite berria gure herriko pasealeku guztietan", "Eguraldia hizpide izaten da maiz; zergatik?", eta "Getxoko aparkalekuen arazoa".

Goizeko saioen argazki-galeria:

Berbodromoa Algorta 2017

Goizeko saioen bideoa (© GETXOKO UDALA):

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa