Getxoko Udaltzaingoa ikertzen dabil gaur goizean Algorta eta Getxo bitarteko mugan izandako zirkulazio-istripu "larria". Ezbeharrean, 44 urteko motor-gidari bat zauritu da, oso larri.
Istripua 11:45 aldera jazo da Bidezabal kalean. Oraindik ikertzen ari diren arrazoiengatik, motozikleta batek eta auto batek elkarren aurka jo dute. Kolpearen ondorioz, motorreko gidaria zaurituta geratu da eta Gurutzeta ospitalera eraman behar izan dute, oso larri, udal-iturriek zehaztu dutenez.
Suhiltzaileen eta garbiketa-zerbitzuko udal-langileen taldeak istripua gertatu den tokira hurreratu dira, ibilgailuek bide-zorura isuritako olioa garbitzeko. Bi garabik, tartean, bidetik kendu dituzte ibilgailu biak, eta 13:15ak aldera bidea libre geratu da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
