Gertaera 09:45ak aldera jazo zen. Udaltzaingoaren patruila bat zaintza-lana egiten ari zen Algortako erdiguneko parke batean. Orduan, gazte talde bat ikusi zuten eta, horiek, agenteak bertan zeudela ikusita, ihes egiten saiatu ziren, polizia-iturrien arabera.
Udaltzainak hurbildu zirenean motxila bat zeraman gazte batek korrika alde egin zuen. Hala, agenteak berari segika hasi ziren, hura harrapatu zutenera arte.
Gaztea atzeman ondoren, udaltzainek ikusi zuten motxila barruan sustantzia estupefaziente baten dosi bakarreko 15 ale zituela, ustez marihuana, saltzeko prest. Horren ondorioz, gaztea atxilotu dute osasun publikoaren aurkako ustezko delitua egotzita.