Jaialdia duela sei urte sortu zuten, herritarrak udal-kiroldegietan urte osoan antolatzen diren kirol-jardueretara hurbiltzeko asmoz.
Jarduerak Biotz Alai eta Telletxe plazetan banatuko dira. Horrela, pertsona nagusiei zuzenduriko dantza batek hasiera emango dio jaialdiari, Biotz Alai plazan, barikuan, 17:30ean. 18:00etatik aurrera, Getxo Kirolak-eko dantza-taldeen ikastaro-amaierako erakustaldiak eskainiko dira.
Ekainaren 10ean, zapatuan, jarduerak Telletxen izango dira. 12:00etatik 14:00etara bitartean, tenis, slackline, boxeo, gimnastika erritmiko, errugbi, boleibol, irristaketa, herri-kirolak eta saskibaloia praktikatzeko kantxak instalatuko dira. Kirolgune horiek udalerriko klubek dinamizatuko dituzte eta irekita egongo dira hurbiltzen diren eta parte hartu gura duten pertsona guztientzat.
Zapatuko saioa dela eta, Telletxeko errepidea, plazaren pareko zatian, trafikoarentzat itxita egongo da 10:00etatik 14:30era bitartean.