Aste-akabu honetan jokatuko dira emakumezkoen lurralde-selekzioen arteko Espainiako futbol-txapelketaren azken faseak, 16 urtez azpiko mailan, Arabako Iruña Oka herrian. Mikel Bengoa Euskadiko selekzioaren hautatzaileak Eider Arana Mugueta Algortako Bizkerre taldeko erdilaria deitu du, 18 jokalariren artean.
Aranak eta beste 17 jokalariek entrenamendua izango dute bihar, eguenean, Iruña Okako Arrate-futbol zelaian, 18:00etatik aurrera. Barikuan, ostera, finalaurrekoak jokatuko dira. 16:30ean, Kataluniak eta Valentziak elkarren aurka egingo dute; bi ordu beranduago, Euskadik Madrili egingo dio aurre. Euskal ordezkariek irabaziz gero, finala izango lukete domekan, hilaren 11n, goizeko 11:30ean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!