Areetan jokatuko da Bizkaiko Akuatloi Txapelketa, domekan

TKrono triatloi-taldeak eskarmentua dauka Areetaren inguruko uretan. © TKRONO

Getxoko Akuatloia estreinatuko da domeka honetan, hilaren 11n; igeriketaldia eta oinezko lasterketa konbinatuko ditu probak. TKrono triatloi-taldeak antolatu du ekimen berri hori, Getxo Kirolak udal-erakundearen laguntzaz; Bizkaiko Txapelketa ere izango da.

Lehiaketa-mailan, Bizkaiko Akuatloi Txapelketa ere lehiatuko da: parte-hartzaileek 2.500 metroko ibilbidea beteko dute korrika; ondoren, kilometro bat egingo dute Abrako uretan; azkenik, beste 2.500 metro beteko dituzte oinezko lasterketan.

Herri-akuatloiari dagokionez, honako hauek izango dira distantziak federatuta ez dauden kirolzaleentzat: 2,5 kilometroko oinezko lasterketa, 500 metroko igerialdia eta beste 2,5 kilometroko lasterketa. Ibilbidea Areetako eta Bola hondartzak lotzen dituen bidegorria izango da, eta igeriketa-eremua Areetako hondartzaren aurrean egingo da.

Proba 09:30etik aurrera abiatuko da, Areetako hondartzan.