Iturrien arabera, atzo, 22:30ak aldera, Areetako Ibaigane kalean borroka baten berri eman zioten Ertzaintzari. Hala, polizia-patruila bat bertaratu zen, eta bertan gizon bat beste bat itotzen saiatzen ari zela ikusi zuten. Agenteek ustezko erasotzailea atxilotu zuen; ordurako, biktima arnasa hartzeko arazoak zituen eta anbulantzia batek ospitalera eraman behar izan du.
Hilketa saiakera ez ezik, lapurreta delitua ere leporatu dio Ertzaintzak ustezko erasotzaileari, biktimaren sakelakoa ostu ziolakoan.