Datorren martitzenean, hilaren 27an, Etxebizitzari buruzko Topaketa antolatu du Getxoko EH Bilduk, Algortako Villamonte kaleko kultur etxean, 18:30ean. "Gure helburua da Getxon bizi dugun etxebizitzaren arazoaren diagnostikoa egitea, alternatiba zehatzak proposatu ahal izateko", azaldu dute antolatzaileek.
Alternatiba horiek bilatzeko guran, daborduko problematika hori "gehien" pairatzen duten kolektiboakaz jarri da harremanetan koalizio abertzalea: emakume eta elkarte feministak; gazte taldeak, pertsona migratuen taldeak eta guraso bakarren elkarteak, besteak beste.
Azaldu dutenez, "ahalik eta auzokide gehienen egoera ezagutu nahi dugu lehen eskutik". Hori dela eta, topaketa horretan parte hartzeko deia egin du EH Bilduk, "zuen ekarpena ezinbestekoa delako". Ahalik eta diagnostikorik "osoena" eratzea da udal-taldearen asmoa, "ondoren, alternatibetan sakondu ahal izateko".
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
