Bizilagunak egitasmoak Arabako Valderejo parke naturalera joateko txangoa antolatu du domekarako, hilaren 9rako. Mendian ibiltzeaz gainera, hainbat tokitako mito eta kondaira konpartituko dituzte umeek eta helduek.
Getxoko Etorkinen Plataforma Federazioak, Ibilki eta Egizu elkarteek, Kontularien klubak eta Udalak sustatutako Zurrumurrurik ez Estrategiak antolatuta, jarduera doakoa izango da, baina izena eman behar da aurretik 644 277 155 edo 644 595 191 telefono zenbakietan edo getxobizilagunak@gmail.com helbidean.
55 pertsonentzako autobusa irtengo da 09:00etan Algortako Telletxe plaza ondoko markesinatik, eta 9:15ean Areetako Xake plazatik.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
