Azokan saldutako liburuak, aldizkariak, koadernotxoak eta entziklopediak herritarrek emandakoak ziren eta euro bateko prezio sinbolikoan saldu ziren. Lortutako dirua Rosa Temiñok, Palestina Biladi GKEko buruak jaso du eta Zisjordanian buru desgaitasuna dutenentzako hiru gela egokitzeko eta materiala erosteko zuzenduko da. Helburua da proiektuak buru desgaitasuna duten haurren heziketa inklusiboa sustatzen duen gizarte-inguru atsegina eta hezitzailea izatera laguntzea, batez ere Zisjordaniako iparraldean dauden baztertutako udalerritan (Al-Nassariyyah eta Askarreko errefuxiatuen eremua).
Bigarren Eskuko Liburuaren XII. Azokan bildutako 11.526 euroak eman dizkiote Biladi GKEari
Bigarren Eskuko Liburuaren XII. Azokan bildutako 11.526 euroak eman dizkio gaur Getxoko Udalak Biladi Palestina gobernuz kanpoko elkarteari; Irantzu Uriarte Garapeneko Lankidetzako zinegotziak eta Susana Barreiro Liburutegietako koordinatzaileetako batek egin dute diru-ematea. Azoka hori ekainaren 21etik 25era bitartean egin zuten, Getxoko Udaleko Liburutegi Zerbitzuak eta Garapenerako Lankidetza arloak elkarlanean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun