Getxoko Gure Esku Dago taldeak antolatuta, bihar, uztailaren 7an, Otxandategi abesbatzak "Abby potxola" ikuskizuna eskainiko du Algortako Bihotz Alai plazan, 20:30ean. Berangoko taldeagaz batera, Senegalgo Jammu balleteko hainbat kidek ere parte hartuko du. Euskal Herriko eta nazioarteko kantutegi herrikoitik hartutako kantakaz osatutako errepertorioan oinarritutakoa da ikuskizuna.
Ikuskizuna, itxaroten zuen giltzurrunetako ebakuntzaren aurretik Euskal Herrian hil zen Abby izeneko 17 hilabeteko neskato senegaldarraren omenez sortu du Otxandategi abesbatzak. Sarrera 10 euroan dago salgai, Gure Esku Dago Algortan daukan lokalean (Telletxe, 3 - Barrukoa tabernaren ondoan), 18:30etatik 20:00etara. Ikuskizunaren egunean leihatilan bertan erosi ahalko da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.