Udaltzaingoko Oinarrizko Eskalako agentearen txanda askearen bidezko 14 lanpostu horiez gainera, 2017ko LEParen barruan ere beste sei lanpostu deituko ditu Udalak, barne-igoerako txandan. Hala, Udalak ofizialordeko 2 plaza eta 1. agenteko 4 plaza deituko ditu; kasu bietan Udalak berak deitu eta burutu beharreko hautapen-prozesua egingo dute. Udal-iturriek azaldu dutenez, "une egokian iragarriko dira eskaerak aurkezteko epeak".
45 funtzionario berri
Bestalde, Udalak 45 funtzionario berri ditu praktiketan gaur egun. Horiek Administrari-laguntzaile kategoriakoak dira. Hilabetearen hasieran Udaleko batzar-aretoan egin zuten horiek lanean hasteko ekitaldia. Administrari-laguntzaile horietatik erdia udaletxean zegoen lanean, bitarteko langile gisa, lan-kontratuagaz, eta beste erdiak ez zuen lan-harremanik Udalagaz. Praktiketako aldiaren ondoren, karrerako funtzionario bihurtuko dira.