Ekimena pasa den ekainean egin zen, Aste Berdea jardueren egitarauaren barruan. Epai-mahaiak kontuan hartu dituen irizpideen artean hurrengoak daude: originaltasuna, konposizioaren sormena, apaindura-kalitatea, multzoaren armonia (diseinua), konplexutasuna eta iraunkortasuna.
Lehiaketan 15 pertsonek hartu zuten parte, balkoiak eta terrazak polit uzteko behar eta ahalegin handiak eginez, José Luis Landa Ingurumeneko zinegotziak gaur goizean azpimarratu duenez: "merituzko gauza da, Europako herrialde batzuetan tradizio handia duena, eta Getxon apurka apurka egiten ari dena”. Landak 150 euroko balioko txartela eman dio bigarren sailkatuari, Getxoko lore-mintegi batean erabiltzeko, eta baita egiaztagiri bat ere. Bestalde, Mercedes Sánchez García irabazleak ezin izan du ekitaldian parte hartu; hala bere senarrak jaso du 250 euroko txekea eta egiaztagiria. Saritutakoak oso pozik agertu dira lehiaketagaz eta lortutako sariakaz ere.