Udal arduradunen ustez, familia guztiek "arazorik gabe ordaindu dezakete alde hori". Izan ere, haren iritziz, "eguneraketa da, eta ez igoera, tasak ez baitira 2007. urtetik handitu eta proposatu ditugunak oraindik ere antzeko ezaugarriko beste udalerri batzuetakoak baino txikiagoak baitira".
PP taldeak proposamenaren aurka bozkatu zuen hauxe argudiatuta: "igoera neurrigabea da horrenbesteko gerakina duen udalerri baten kasuan. Izan ere, igoera Bilbon baino handiagoa izan da, eta ez ditu berreskuratu familia ugarientzako laguntzak". GUK taldeak ere ez zuen babestu ordenantzaren aldaketa “ez deritzogu beharrezkoa tasa igotzeari".
EH Bildu eta Ciudadanos taldeek proposamena babestu zuten, eta PPri leporatu zioten demagogia baliatzen ari zela eta ez zuela ekarpenik egin epe barruan. Gainera, EH Bilduk adierazi zuen PPk kontu bat azaldu gabe utzi zuela: hain zuzen, musika eskolaren erabiltzaileek gehiago ordaindu ezean, Getxoko biztanle guztiek ordaindu beharko dutela.
2016 kontu orokorra
2016ko kontu orokorrak oniritzia jaso zuen osoko bilkuran. Gobernu-taldeak adierazitakoaren arabera, Udalaren kudeaketa "onaren" isla da; oposizioaren ustez, ordea, "asko hobetu" daiteke.