Europako Txirrindularitza Txapelketa Danimarkako Herning herrian egingo da, abuztuaren 2tik 6ra. Castroviejok eguenean parte hartzekoa zen, 46 kilometroko erloju kontrako proban, Espainiako Txirrindularitza Federazioak joan den astelehenean iragarri zuenez.
Orain dela aste bi txirrindulariak berak baieztatu zuen Herningen egoteko asmoa zuela: "Ez dut Espainiako Vuelta egingo. Printzipioz, parte hartuko dut Donostian, Getxon, Europako Txapelketan, Hamburgo eta Plouay klasiketan eta Erresuma Batuko Tourrean, Munduko Txapelketaren aurretiko lasterketa egokia".