Getxoko Udaltzaingoak 42 urteko gizon bat atxilotu zuen atzo, eguenean, bide-segurtasunaren aurkako delitu bat egotzita; izan ere, ibilgailua gidatzen zihoan, baimendutako alkohol-tasa hirukoiztuta, alkoholemia-probaren arabera.
Gidaria 21:30ean atxilotu zuten, Algortan. Horren aurretik, udaltzainek zirkulazio-istripu bat egon zela jakin eta bertaratu ziren. Heldu zirenean, ikusi zuten ibilgailu batek talka egin zuela ondo aparkatuta zeuden beste hiru ibilgailuren aurka.
Istripuaren lekuan zeudela, agenteek istripua eragin omen zuen ibilgailuko gidariari, 42 urteko gizonari, alkohola detektatzeko proba egin zioten eta emaitza 0,76mg/l izan zen, baimendutakoaren hirukoitza, alegia. Hala, bide-segurtasunaren aurkako balizko delitu batengatik atxilotu zuten.
Udaltzaingoak Polizia-diligentziak egin ditu eta Getxoko Guardiako Epaitegira bidaliko ditu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
