Auzokideek azaldu dutenaren arabera, Getxoko Udalak "inoiz" ez du lursail horren jabetza eskatu, "Kultur Etxea eraikitzen hasi zirenean ere ez". Hala ere, jakinarazi dutenez, Udalak txosten tekniko bat egitea agindu du orain duela 40 urte hesituta egon den lorategi hori udal-jabegokoa dela esateko. "Horrek esan gura du Udalak jabetzak aldatzeko eskumena duela berak bere buruari agindutako txostenen bitartez", deitoratu dute auzokideek.
Dirudienez, jabetza pribatu hori eskuratzeko premia du Udalak Romo Kultur Etxearen atzealdean larrialdietarako irteera bat egiteko beharra dagoelako; "hori ez dute hasieran kontutan hartu, eraikina diseinatzerako orduan ere ez", auzokideen arabera.
Hori guztia dela eta, lorategi horren jabeek salaketa bat jarri zuten atzo epaitegietan, "jabetzaren usurpazioagatik".