Jendartea  Getxo 2017-08-09 12:34

Gizonezko bat atxilotu dute Getxon drogen eraginpean gidatzea egotzita

Getxoko Udaltzaingoak 35 urteko gizonezko bat atxilotu zuen atzo, martitzenean, bide-segurtasunaren kontrako delitua egotzita. Izan ere, udal-iturrien arabera, atxilotutakoak edari alkoholikoen eraginpean gidatzen zebilen eta alkohol- eta drogen-proban positiboa eman zuen.

Udalak jakinarazi duenez, udaltzainak Itzubaltzeta/Romora hurbildu ziren atzo, 18:20ak aldera, trafiko istripu batez arduratzeko. Bertan, kotxe batek beste bat kolpatu zuen, eta horrek, kolpearen eraginez, beste baten kontra talka egin zuen.

Udaltzainek istripua eragin zuen gidaria edari alkoholikoen eraginpean egon zitekeela sumatu zuten, eta alkohol-proba egin ostean, 35 urteko gizonezkoak 0,56 mg/l-ko tasa eman zuen, hau da, baimendutako alkohol-tasa baino bi aldiz handiagoa. Gainera, horri hartutako listu-laginean kokainan positiboa eman zuen ere. Hori dela eta, gizonezkoa atxilotu zuten bide-segurtasunaren aurkako delitua egotzita; polizia-eginbideak bideratu dira eta Getxoko Guardiako Epaitegira bidaliko dituzte.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa