Proba 16:30ean hasiko da, 13 urtera bitarteko haurren mailagaz; distantzia 300 metrokoa izango da, Ereagatik irten eta han bertan amaitzeko. Ondoren, 17:00etan, helduen proba izango da, absolutuen eta beteranoen kategoriakaz; maila horietan, Arrigunagako eta Ereagako hondartzen artean dagoen 2.700 metroko tartea bete beharko dute igerian.
Proban parte hartzeko inskripzioa etzidamu, egunean, itxiko dute, 12:00etan. Ezarritako prezioak honakoak dira federatuta ez dauden herri-igerilarientzat: haur-mailakoentzat, 10 euro; eta 15 euro absolutu eta beteranoentzat. Federatuek 5 euro gutxiago ordaindu beharko dute. Probaren egunean ere egin ahal izango da izen-ematea, baina prezioa bikoitza izango da.
Parte hartu gura duten pertsonek informazio osoa kontsultatu eta izena eman ahal izango dute Getxo Igeriketa Waterpolo klubaren webgunean.