Zubeldiak gaur dauka hitzordua Madrilgo Blume egoitzan, beste 16 jokalari gehiagogaz. Lehen deialdi horretatik irtengo dira Europako 18 urtez azpiko Zazpiko Errugbi Txapelketan jokatuko duten behin betiko 12 jokalariak. Txapelketa Heildelbergen (Alemanian) izango da, irailaren 9an eta 10ean. Bertan, taldeetako fasean, Ingalaterra, Lituania eta Italia izan daitezke Zubeldiaren arerioak.
Getxo Rugby Taldeak zoriondu du Aitor Zubeldia, "lehen deialdian sartzea lortzeagatik, jokalari gazteak egindako lanaren emaitza izan baita. Zorte on, Aitor!". Modu berean, klubak gogorarazi duenez, "azken denboraldietan, harrobiko zenbait jokalari beheko kategorietako Espainiako deialdietan sartu dira, eta klubaren beheko kategorien oso irudi ona eman dute".