Azken hilabeteotan pairatu izan duen lesioa guztiz osatu ez bazaio ere, Díazek itxaropen berrituagaz ekingo dio munduko txapelketari; banaka hartuko du parte skiffagaz, maila absolutuan. "Harentzat emaitza bikaina izango litzateke finalerditan sartzea, munduko lehenengo 12en artean sailkatzea bermatuko bailitzaioke", azaldu dute Raspas elkarteko iturriek. "Zaila izango da helburu hori betetzea, baina ez ezinezkoa, txapelketa jokatzeko geratzen den hilabete eskasean Raspaseko arraunlariak sasoi puntu hobeezina berreskuratzea lortuko balu; izan ere, sasoian izanik segurtasunez aurre egin diezaioke lehiaketari", iradoki dute iturri berberek.
Virginia Díaz Raspas arraun-elkarteko kidea Aulki Mugikorreko Munduko Arraun Txapelketan lehiatuko da, Sarasota konderrian (Florida, AEB), irailaren 25etik urriaren 1era bitarte. Díazek Espainiako selekzioaren deia jaso zuen txapelketara joateko. Horrenbestez, ziklo berria hasiko da kirolari getxoztarrarentzat, Tokio 2020 Olinpiar Jokoei begira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun