Raspasek "traineruan gogo eta itxaropen handiak" ditu ipiniak. Eta horien oinarri da elkartearen kirol-talde teknikoak azken urte hauetan egindako ganorazko lana; "behar horren berme dira aulki mugikorrean lortutako emaitza bikainak, gazte horiek titulu eta domina mordo bat eskuratu baitute", gogorarazi dute Raspaseko kideek.
Gaur zortzi, datorren irailaren 12an, hasiko da denboraldi-aurrea Raspas arraun-elkartearentzat. Hori dela eta, elkartetik dei egin diote proiektu horretan parte hartu gura duen jende denari; modu berean, goi mailako errendimenduko arraunketa probatzera animatu dute, tostetan zein arraun olinpikoaren modalitatean. Horretarako, interesatutako pertsona guztiak klubaren egoitzara hurbil daitezke, Areetako Moilako pasealekuan dagoen ontziralekuan, goizez edo arratsaldez eta Marcos Morales entrenatzaileaz galdetu.