Txapelketa goi-mailakoa denez, proba hori nazioarteko sailkapenean puntuak lortzeko baliagarria izango da. Lehiaketa Fadurako ekitaldi-aretoan jokatuko da eta aurreikusitakoaren arabera, zapatuko eta domekako jardunaldiak goizez eta arrastiz jokatuko dira. Astean zehar, partidak 17:00etan hasiko dira. Horrez gainera, Nazioarteko Ireki horren barruan, IV. José Ramón Arrupe Adiskidetasun-Txapelketa ere lehiatuko da Fadurako ekitaldi-aretoan, irailaren 16an. Bertan 15 klubek hartuko dute parte. Bi txapelketak ikusteko sarrerak doakoak izango dira.
Mundu-mailako xakelariek hitzordua daukate Faduran
Datozen aste-akabuan eta astean, irailaren 9tik 15era, Algortako Fadura kiroldegian lehiatuko dira mundu-mailako xakelari onenetariko batzuk. Hala, Getxoko Xake Klubak antolatutako Getxoko II. Xake Nazioarteko Openean parte hartuko dute, besteak beste, Marta Michna eta Silvia Raluca nazioarteko maisuak, Renier Castellanos, Slobodan Kovacevich, Vladimir Lazarev eta Leongo Jaime Santos Latasa jokalari gaztea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun