Beste urte batez, Emakume Etorkinen Topaketa programa egingo dute Algortako Jabekuntza Eskolan; saioak urritik otsailera bitarteko zapatuetan izango dira. Emakume interesatuek hilaren 15etik, barikutik, aurrera izena eman ahalko dute Herritarren Arretarako Bulegoetan, e-mailez mujeresmigradas@getxo.eus helbide elektronikoan edo www.getxo.eus/eu/inmigracion webgunean. Programa horren helburua da emakume etorkinak lagundu eta horientzako elkartasun-gunea eskaintzea eta aldi berean egun dauden eskubide eta baliabideen berri ematea.
Osasun fisikoa eta emozionala hobetzeko eta norberaren zainketarako heziketa ere eskaintzen du programak, hau da, emakume etorkinak batzen dituzten gaiei buruz hitz egiteko tokia baita: zailtasunak, zalantzak, herrimina, poztasuna, hartzen dituen hirian xede eta amets berriak eraikitzeko moduei buruz mintzatzeko...
Saioak urritik otsailera bitartean egingo dira, zapatuetan txandaka, hots, batean bai eta bestean ez, 17:00etatik 20:00etara, Algortako Jabekuntza Eskolan (Martikoena kalea, 16. Alangoko anbulatorioaren ondoan). Saio guztietan, migrazioak dakartzan erronkak pertsonalki eta profesionalki bizi izan dituzten bideratzaileak egongo dira.
Haurtzaindegi zerbitzua egongo da, aldez aurretik eskatuz gero. Informazio gehiagorako deitu 944 66 01 51 telefono zenbakira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
