José Luis Ugarte marinel ospetsu getxoztarra orain dela bederatzi urte zendu zen; Abrako Itsas Errege Klubaren bela-eskolak bere izena daroa. Klub horrek antolatzen du lehiaketa; zapatuan eta domekan horretara batuko dira etorkizun oparoko belazaleak. Bertakoez gainera, Kantabria, Galizia, Asturias eta Frantziatik etorritakoek parte hartuko dute. Zapatuan hiru txanda egingo dituzte, 13:00etatik aurrera. Domekan, berriz, 12:00etan hasiko dira beste hiru txandak. Modalitate denek ordutegi berberak izango dituzte, batzuk Abrako barneko aldean eta besteek kanpoan. Probaren helburuak lehiakorrak izateaz gainera, hezkuntza-mailakoak ere badira: nabigatzaile gazte askorentzat belaontzi-estropadakaz duten lehenengo kontaktua izaten da; gainera, eskarmentua duten kirolzaleakaz neurtzeko aukera ematen die.
Eduardo García Santamarina probaren kirol-zuzendariaren ustean, "estropadazale gazteenei asko gustatzen zaie itsasoa, horretaz jabetzen dira gura bela-eskolan. Parte-hartzaile denek estropada jendetsu horertan izandako eskarmentuaz gozatzen dute. Irail bakoitza gure kirolaren jaia da Abrako uretan. Hitzordu hau ezaguna da oso eta guztiz finkatuta dago bela-munduan; bertan, etorkizunean ordezkatuko gaituzten estropadalariak balioetan hezten dira".
Jose Luis Ugarte omenduko dute irailaren 23an eta 24an
Hilaren 23an eta 24an, Abrako urak belaontziz beteko dira, José Luis Ugarte 27. Lehiaketan parte hartzeko. 200 bat nabigatzaile gazteek parte hartuko dute Optimist, Laser, Laser Radial, 420, Snipe eta L’Equipe modalitateetan, nork bere trebetasunak eta zaletasunak erakusteko eta nabigatzaile historikoari gorazarre egiteko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun