Jendartea  Getxo 2017-09-29 13:40

Gizon bat atxilotu dute Getxon genero-indarkeria eta sexu-erasoa leporatuta

Ertzaintzak 46 urteko gizonezko bat atxilotu zuen atzo, eguenean, bikotekidearen aurkako genero-indarkeria eta sexu-erasoa leporatuta, Eusko Jaurlaritzako Segurtasun Sailak jakinarazi duenez.

Emakume batek bikotekidearen aurkako salaketa jarri zuen atzo, eguenean, Getxoko Ertzain-etxean. Biktimak poliziei azaldu zienez, tratu txarrak eta sexu-erasoa jasan zuen eguazten gauean bere etxean. Emakumeak emandako informazioaren arabera, bikotekideak jo egin zuen eztabaida baten ondoren, eta jarraian sexu-harremanak izatera behartu zuen.

Polizia-iturriek jakinarazi dutenez, emakumeak hainbat kolpe zituen, batez ere beso batean, eta mina zuela esaten zuen; Gurutzetako ospitalean artatu zuen auzitegiko mediko batek.

Atzo arrastian bertan aurkitu eta atxilotu zuen Ertzaintzako patruila batek ustezko erasotzailea. Gizonezkoa gaur, barikuan, eraman dute epaitegira.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa