Getxoko administrazio publikoetako langileentzako Zurrumurruen kontrako Heziketarako izena emateko epea zabaldu du Udalak, hilaren akabura arte. Egitasmo horren helburua da Getxon arlo horretan aritzen diren langileek osatutako lan-taldea osatzea, eztabaida aberasgarria sortze aldera. "Kultur artekotasuneko udalerriaren alde esparru guztietatik lan egiten segitzen dugu, eta horregatik administrazio publikoetako eta entitate kontzertatuetako (hezkuntza, gizarte, lan eta kultur esparruetan..) langileentzat antolatu dugu berriro, publikoarekiko jokabide eta harremanekin iritzi eragile bihur daitezkeelako", azaldu du Elena Coria Immigrazioko eta Kultur Artekotasuneko Unitateko zinegotzi arduradunak.
Ekimena 2013an martxan jarri zuen Getxoko Udalak, Zurrumurruen kontrako Estrategiaren barruan, urtez urte atxikitzen ari diren herritarren eta gizarteen sarearen laguntzagaz. Estrategiak ZAS Zurrumurruen Aurkako Euskadiko Sarean hartzen du parte eta Estatuko eta Europako hainbat hirigaz batera lan egiten du.
Heziketa
Doako heziketa hiru orduko lau saiok osatuko dute, azaroko astelehenetan, Getxo Elkartegiant.
Azaroaren 6ko gaia "Inmigración, del estereotipo a la xenofobia" izango da, Xabier Aierdiren eskutik; hilaren 11koa "Teorías modernas de la raza y rumores, estereotipos negativos y prejuicios más extendidos", Andrea Ruiz Balzola eta Miguel Angel Navarrogaz; azaroaren 20koa "Diálogos transformadores, convertir las amenazas en oportunidades" Jordi Granégaz, eta azaroaren 27koa "Estrategia antiRumores y perspectiva de género", Maya Amranegaz.
Prestakuntzarako izen-ematea posta elektronikoaren bidez egin beharko dute pertsona interesatuek antirumores@getxo.eus helbidera joz, datuak eta lanpostua agertuz. Informazio gehiago: www.getxo.eus/antirumores.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
