UGS Express taldearen "Lume" lanak irabazi du GetxoExpress film laburren lehiaketa

Iker Rincon Moreno 2017ko urr. 25a, 11:32
Deskargatu Info Ahotsak :
es en fr

GetxoExpress lehiaketaren irabazleak. © GETXOEXPRESS

Joan den urriaren 22an ospatu zuten GetxoExpress film laburren lehiaketaren bigarren edizioa, Areetako Andres Isasi Musika Eskolan. UGS Express taldearen "Lume" lanak irabazi zuen 1.000 euroko lehenengo saria.

Aurreko urteko arrakastaren ondoren, GetxoExpress "geratzeko" etorri dela iragarri dute antolatzaileek. Berriz ere, parte hartzaileen mugak gainditu eta Andrés Isasiko areto nagusia ia guztiz beteta egon zen, 200 ikusle. Parte hartu zuten taldeek bariku arrastian jaso zuten gaia: Jatorria. Ordutik aurrera, taldeek 42 ordu izan zituzten film laburrak pentsatu, grabatu eta ekoizteko.

Epaimahaia

Epaimahaiek (Itziar Ituño, Borja Crespo eta Begoña Vicario) aurtengo irabazleak aukeratu dituzte.

Sariak

  • Lehenengo saria (1000 euro) - "Lume", UGS Express taldearena.
  • Bigarren saria (800 euro) - "Los desamparados", Los Cinco taldearena.
  • Ikusleen saria (300 euros) - "Paseo darwinista", Sukolegas taldearena.
  • Getxotar batek egindako (GetxoTurismo kutxa eta Konstructor kamera) - "El nacimiento de una nación", Klarakoles taldearena.
  • Autocine saria (Getxoko Autocine-an film laburraren proiekzioa) - "Paseo darwinista", Sukolegas taldearena.
Kultura Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun