Ekimena Espainiako Belar-hockey Federazioak antolatuko du, abenduaren 5etik 8ra bitartean, Madrilgo Blume errendimendu handiko zentroan. Denera, Estatu espainoleko “24 jokalari onenak” deitu dituzte, getxoztar biak tartean, Jolaseta errege-klubak zabaldu duenez. Elkarretaratzean, Borja Movellan-ek, 16 urtez azpiko Espainiako selekzioaren hautatzaileak, hainbat jarduera ipiniko die, hala nola jokalarien ikasketak handitzeko bilera-teknikoak, proba fisikoaren garapena eta entrenamendu espezifikoak.
Aurretik, lau fase gainditu dituzte Llorentek eta Vilallongak. Izan ere, kirol-teknifikaziorako programari Talentuak Detektatzeko Espainiako Plana ere esaten diote.