Neguriko Karmen kalea itxi dute gaur, Leioa eta Makaleta etorbideen arteko bidegurutzean saneamendu-sarea berritzeko lanak direla eta. Bide-mozketa hori astebeteko iraupena izango duela iragarri du Getxoko Udalak. Hala ere, jakinarazi dutenez, neurri horrek ez du eraginik izango auzotarrentzat. Dena den, Portuko pasealekua kaletik Makaleta etorbidean sartzeko Leioa etorbidea hartu beharko da.
Bestalde, eta jarduketa horren barruan, datorren astelehenetik aurrera, hilak 27, lanak Makaleta etorbideko aparkalekuan egingo dira, Karmen eta Leioako etorbidearen arteko zatian. Horren ondorioz, bus geralekuaren lekualdatze txikiak aurreikusten dira, lanek aurrera egin ahala; gainera, aipatutako tartean dagoen bidegorria itxiko da.
Aurreikusten da lanen iraupena aste bikoa izango dela.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!