Beste urte batez, Getxoko Udalak euskarazko produktuen katalogoaren 1.500 ale banatuko ditu udalerriko ikastetxe, institutu, euskaltegi, haurtzaindegi eta liburu-denden artean. Paperezko edizioak zein webgunekoak atal nagusi bitan dute banatuta edukia: alde batetik, 0-12 urte bitarteko haurrentzako produktuakaz, eta bestetik, 12-16 urte bitarteko gazteentzako gauzakaz, adinei egokitutako intereseko eta agenden webguneen loturakaz batera, eta baita sare sozialen jarraipena egiteko aukera ere.
Katalogoaren 19. edizioa da aurtengoa, eta urtero bezala, gurasoek eta eskolakoek kontuan hartu dezaketen jostailuei, liburuei, musikari edo bideoei buruzko aipamenak ditu.
Udalak 0 eta 16 urte bitarteko haur eta gazteen 7.500 familiei bidali die eskutitz baten bitartez katalogoaren berri, baita ekimenagaz kolaboratzen duten eta produktuak dituzten 12 liburu-dendaren zerrenda ere. Aurten, Udalak 2.000 orri-markatzaile banatuko ditu udal-liburutegietara joaten diren haurren eta gazteen artean.
Urte osoan bizirik eta eguneratuta dagoen bertsio digitalak (www.katalogoa.eus), elkarrizketak, berritasunak, iritziak eta egungo albisteak ere eskaintzen ditu. Gainera, aldian-aldian argitaratzen diren nobedadeen erreferentziak jasotzen dituen buletin elektronikora harpidetzeko formularioa eskaintzen du.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
