Lortutako akordio horregaz, Hiri Antolamendurako Plan Orokorraren (HAPO) xedapen-aldaketa jakin bat egin gura dute alde biek. Horren helburua da bertoko eraikigarritasuna handitzea hori dena erabiltzeko etxebizitza babestuak eraikitzeko, planteamenduak jasotzen zuen etxebizitza libreez gain. Aldaketa hori gaur, eguaztenean, aurkeztuko da Osoko Bilkuran onar dadin.
Akordioak eraikigarritasuna (beraz, etxebizitzen kopurua) handitzeko aukera emango du, 23.806 metro koadrotik 30.749 metro koadrotara pasatuz. Udal-iturriek azaldu dutenez, hazkunde hori "guztiz zuzenduta dago etxebizitza babestuak egiteko"; gainera, 5.000 metro koadroko hiri-parke bat egitea aurreikusita dago.
HAPOren aldaketa horren eraginez, 116 BOE etxebizitza (69 babes orokorrak eta 47 tasatuak) eta 147 etxebizitza libre eraikitzea ahalbidetuko da. Gainera, orube bat egongo da hirugarren sektoreko jardueretarako, "bizi-erabilera jarduera ekonomikoarekin elkartzea erraztuko duena, eremu horretan enplegu berria sustatuz", arduradunek azaldu dutenez.