Gaur eta bihar artean, Itzubaltzeta/Romoko Aurrezki Kutxa kalea itxita egongo da ibilgailuentzat, Errekagane eta Kresaltzu kaleen arteko zatian. Bide-mozketa Romo Kultur Etxeko altzariak deskargatzeko lanak egiteko da; eta horiek irauten duten bitartean mantenduko da neurria.
Kale tarte hori 07:00etatik eta deskarga-lanak amaitu arte itxita egongo da. Ondorioz, lanok eragina izango dute ibilgailuen zirkulazioan. Horregatik, horiek beste kale batzuk aukeratu beharko dituzte ibiltzeko, hala nola Ezekiel Agirre edo Lope de Vega kaleak. Oinezkoentzat, berriz, bidea guztiz zabalik egongo da kale tarte horretan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!