Ekonomia  Getxo 2017-12-04 10:48

Cubitak jarraituko du Aixerrotako jatetxea kudeatzen

Cubita S.L enpresari esleitu diote berriro ere Getxoko Aixerrota errotaren ostalaritza-ustiapena, hamar urtez; gehienez beste 5 urte gehiagoz luzatu ahal izango da lizentzia. Esleipena hileko 6.122 euroko kanonaren truke izan da, Bizkaiko ostalaritzako lan-hitzarmenaren menpe.

Cubitak jarraituko du Aixerrotako jatetxea kudeatzen
Aixerrota. cc-by ZARATEMAN | Ikusi handiago | Argazki originala

Udalak 2017. urteari dagokion kanona ordainduko du (urte naturala amaitzeko falta den denborari dagokion parte proportzionala, esleipen akordioan zehaztuko dena). Esleipendunak azken 25 urtez izan du eraikinaren emakida, Getxoko udalerriaren sinboloa dena; haize-errotaren barrukoa erakusketa aretoa izaten da.

Eraikinak solairu bi ditu: 266,06 metro koadro erabilgarriko erdi-sotoa, eta 370,53 metro kuadro erabilgarriko beheko solairua, eta bertan daude jatetxea, taberna-kafetegia eta kanpoaldera ematen duen terraza. Dorreak 77 metro koadro ditu.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa