Getxoko Itsasondo kaleko 17 auzokide etxetik atera behar izan dituzte bart, euren etxebizitzak egitura arazoak izan zitzakeelakoan. Goizaldeko 01:00ak aldera, antza, eraikineko garajearen sabaia hondoratu egin da; hori dela eta, prebentzio gisa, eraikin osoa hustu dute.
Istripua lorategian izan da, horren zorua baita garajearen sabaia. Ezbeharrean ez da inor zauritu; hala ere, suhiltzaileek eraikin osoa hustea aholkatu dute, horren egitura zelan dagoen aztertu arte.
Ertzaintza, Udaltzaingoa eta Gurutze Gorria bertaratu dira. Getxoko Udalak, Bizkaiko Gurutze Gorriaren laguntzagaz, ondoko hotel batera eraman ditu auzokide denak, eta han eman dute gaua.
Goizean teknikariak joango dira eraikina ikuskatzera, eta arazorik ez egon ezean, euren etxeetara bueltatu ahal izango dira 17 auzokideak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun