Paloma Romera de Landaren "La Revolución Fluorescente" dokumentala proiektatuko dute

Erabiltzailearen aurpegia Hiruka 2017ko abenduaren 12a

Zapatu honetan, hilaren 16an, "La Revolución Fluorescente" izeneko dokumentala ikusi ahal izango da Areetako Andres Isasi Musika Eskolan, 20:00etatik aurrera. Unesco Etxeak, Getxoko Udalaren laguntzagaz, antolatutako "Eman minutu bat berdintasunaren alde" lehiaketaren seigarren edizioaren irabazlea izan da aipatutako dokumental hori.

Paloma Romera de Landak egindako dokumentalak erantzukizun sozialerako deia izan gura du, haurtzaroan sexu-gehiegikeriaren tabua apurtzeko.

Zortzigarren edizioa

Gainera, urteroko Eman minutu 1 lehiaketaren zortzigarren edizioa aurkeztuko dute zapatuan. Mundu mailan giza eskubideak hoberen defendatu, bultzatu, aldarrikatu, zabaldu eta kontzientziatzen duten minutu bateko ikus-entzunezko lanak saritzen ditu lehiaketak. Oraingoan  "Eman minutu 1 Hezkuntza inklusiboaren eta bidezkoaren alde" gaiari buruz izango da lehiaketa eta lanak aurkezteko epea datorren urtarrilaren 31n amaituko da.

Kultura Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun