Getxoko XXIII. Boluntariotza Topaketa egingo dute datorren abenduaren 21ean, eguenean. Bobelaurre Boluntarioen egoitzan egingo dute jardunaldia, Itzubaltzeta/Romoko Jose María Chavarri Zuazo plazan, 19:00etatik aurrera. Horren helburua izango da udalerriko pertsona eta entitate boluntarioen zeregina goraipatzea.
Sarekidek, boluntariotza erakundeen elkarteak antolatuta, Getxoko Udalaren eta Eusko Jaurlaritzaren laguntzagaz, saioan zehar urteko boluntariotzaren sariak emango dira, modalitate indibidualean eta kolektiboan.
Gainera, ekitaldian Sarekidek antolatutako Argazki Sozialen I. Lehiaketaren argazki irabazleen berri emango da. Lehiaketara aurkeztutako argazkiak ikusi ahal izango dira abenduan Gobelaurre egoitzan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!