Jendartea  Getxo 2018-01-10 11:53

San Inazio parkeko jolaslekua handituko dute

Algortako San Inazio parkeko umeen jolaslekua berritzeko lanak hasi dituzte, eta 2 edo 3 astez luzatzea aurreikusi dute arduradunek. Horrez gainera, lizitazio bidean da parkeko oinezkoentzako ibilbideak eta argiteria publikoa egokitzeko eta hobetzeko lanak.

San Inazio parkeko jolaslekua handituko dute
Jolasleku berria irudikatzen duen infografia. © GETXOKO UDALA | Ikusi handiago | Argazki originala

Proiektuaren arabera, jolas-eremua egungo 121 metro koadrotik 250 metro koadro ingurukoa izatera pasako da; eta elementu berriak jarriko dira bertan: zabu irisgarria, txikientzako saski bategaz; habia-jesarlekua duen zabu bat; jolas-multzo txiki bat 8 urte artekoentzat; askotariko jolasen beste multzo bat 14 urte bitartekoentzat; malguki bikoitza; eskalatzeko elementu bat; eta etxetxo bat txikienentzat.

Informazio-kartel bat jarriko da jolaslekuan, elementu bakoitza erabiltzeko adin aproposak adierazteko. Gainera, segurtasun-zoru jarraitu berria ipiniko da, jarritako elementu bakoitzaren altueragaz bat datorrena.

Lanok 57.000 euro inguruko zenbatekoan esleitu dira.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa