Premiazko lanak abiatu dituzte gaur Arrigunagako zelaiaren egonkortasuna berrezartzeko, aste honetan arrailak agertu ondoren. Hala, lehenengo fase honetan, arrailak itxiko dituzte horietatik euri-ura sar ez dadin. Era berean, landaren egoera ezagutzeko hiru zundaketa geotekniko egingo dituzte. Kaltetutako sareak birjarriko dituzte eta oinaldean harri-lubeta bat jarriko dute, zelaiari egonkortasun handiagoa emate aldera.
Zundaketen datuak argitu ondoren, bigarren jarduera-fasea jarriko da abian, zelaiaren behin betiko egonkortasuna lortzeko.
Getxoko Udalak hesiz itxi du gunea eta Kaba kaleko aparkatzeko tokiaren parte bat ere, bertan materialak eta makineria edukitzeko.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!