Neguko Bidaia kontzertu didaktiko-musikalen zikloari jarraipena emango diote, zapatu honetan, urtarrilaren 27an, Areetako Andres Isasi musika-eskolan: Malú Garay abeslari bilbotarrak emanaldia eskainiko du, bere ohiko laukoteagaz. Kontzertua 19:30ean hasiko da eta sarreraren prezioa 5 eurokoa izango da.
Malú Garay Bartzelonara lekualdatu zen, eta eskola hauetan ikasi zuen: L'aula de música moderna i Jazz, eta Taller de Músics eta Institut del Teatre. Hainbat taldetan ibili da, hala nola: Orquesta La Negra, Alias, edo Dagoll Dagom; eta, besteak beste, honako musikari hauekaz kolaboratu du: Juan Carlos Calderón, José Luis Canal edo Raúl Sainz. Horrez gainera, "Singamia" grabatu du José Luis Canalegaz; "Anhelo eta Poemas de Ángel Guache", José Agustín Gereñuk egindako moldaketa eta ekoizpenagaz. Garayk Areetan abestuko du, Raúl Sainz de Rozas (gitarra), Fabián Acarregui (kontrabaxua), Marcos Salcines (pianoa) eta Gorka Iraundegui (bateria) musikariakaz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun